മാസപ്പിറവി കണ്ടില്ല; ഗൾഫിൽ ചെറിയ പെരുന്നാൾ വെള്ളിയാഴ്ച
ഒമാൻ ഒഴികയുള്ള ഗൾഫ് രാജ്യങ്ങളിൽ വെള്ളിയാഴ്ച ചെറിയ പെരുന്നാൾ. ശവ്വാൽ മാസപ്പിറവി ദൃശ്യമാകാഞ്ഞതിനാൽ 20ന് ചെറിയ പെരുന്നാൾ ആഘോഷിക്കുമെന്ന് അധികൃതർ ഔദ്യോഗികമായി പ്രഖ്യാപിച്ചു. ഒരു മാസം നീണ്ടു നിന്ന വ്രതാനുഷ്ടാനങ്ങൾക്ക് ശേഷമാണ് ചെറിയ പെരുന്നാൾ ആഘോഷിക്കുന്നത്.
ഇപ്പോഴും അറിതിവരാത്ത അമേരിക്ക ഇസ്രയേൽ ഇറാൻ സംഘർഷത്തിൻ്റെ പശ്ചാത്തലത്തിലാണ് ചെറിയപെരുന്നാൾ എത്തിയത്. സംഘർഷത്തിന്റെ പശ്ചാത്തലത്തിൽ ഈ വർഷത്തെ ഈദുൽ ഫിത്തർ നമസ്കാരം പള്ളികളിൽ മാത്രമായി പരിമിതപ്പെടുത്തിയതായി യുഎഇ അധികൃതർ അറിയിച്ചിട്ടുണ്ട്. തുറസ്സായ സ്ഥലങ്ങളിലുള്ള നമസ്കാരവും മറ്റ് ആഘോഷ പരിപാടികളും അനുവദിക്കില്ലെന്നും അറിയിച്ചിട്ടുണ്ട്. വിശ്വാസികൾ ഔദ്യോഗിക തീരുനമാനങ്ങൾ നിർബന്ധമായും പാലിക്കണമെന്നും അധികൃതർ അറിയിച്ചു.
പള്ളികളിലെല്ലാ ഒരുക്കങ്ങളും ഇതിനോടകം പൂർത്തിയായിട്ടുണ്ട്. പശ്ചിമേഷ്യയിലെ സംഘർഷ സാഹചര്യം പരിഗണിച്ച് വിശ്വാസികളുടെ സുരക്ഷ ഉറപ്പാക്കുന്നതിനാണ് ഗൾഫ് രാജ്യങ്ങൾ ഇപ്പോൾ മുൻഗണന നൽകുന്നത്.കുവൈത്തിൽ ജുമാ നമസ്കാരം നടക്കുന്ന എല്ലാ പള്ളികളിലും ഈദ് നമസ്കാരം രാവിലെ 6.08ന് നടത്തുമെന്ന് ഇസ്ലാമിക കാര്യ മന്ത്രാലയം അറിയിച്ചിട്ടുണ്ട്.
eid ul fitr
