വടശ്ശേരിക്കര ശ്രീ അയ്യപ്പ മെഡിക്കൽ കോളേജിന് ജപ്തി നോട്ടീസ്
പത്തനംതിട്ട : വടശ്ശേരിക്കര ശ്രീ അയ്യപ്പ മെഡിക്കൽ കോളേജ് ആശുപത്രിയിൽ സെക്യൂരിറ്റി ജീവനക്കാരായി പണിയെടുത്ത റാന്നി- പെരുനാട് സ്വദേശി എം.ആർ. രവീന്ദ്രൻ പിള്ള, കുമ്പളാംപൊയ്ക സ്വദേശി പി.സി.ഷാജി എന്നിവർക്ക് കോടതി വിധിപ്രകാരമുള്ള ഗ്രാറ്റുവിറ്റി തുക നൽകാത്തതിനെ തുടർന്ന് മാനേജ്മെന്റിനെതിരെ കോടതി ജപ്തി നോട്ടീസ് അയച്ചു. ഒന്നാം പരാതിക്കാരന് 55,385 രൂപയും രണ്ടാം പരാതിക്കാരന് 47538 രൂപയും, കൂടാതെ പണം കൈമാറുന്നത് വരെയുള്ള 10% പലിശയും ചേർത്ത് നൽകാൻ 2024 ഡിസംബർ 11ന് കോടതി വിധിച്ചിരുന്നു. ഐഎൻടിയുസി ജില്ലാ പ്രസിഡണ്ട് ജ്യോതിഷ് കുമാർ മലയാലപ്പുഴ നേരിട്ട് ഹാജരായി നടത്തിയ കേസിൽ ഇതുവരെയും തുക കൈമാറാത്തതിനെ തുടർന്നാണ് കോടതി റവന്യൂ റിക്കവറി നടപടി സ്വീകരിച്ചത്.
VADASSEIKARA SREE AYYAPPA MEDICAL COLLEGE
